Prezıdent Shavkat Mırzıyoev Memleket basshysyn «Olıı Darajalı Dustlık» («Joǵary dárejelí dostyq») ordenímen marapattady, - dep habarlaıdy Aqshamnews.kz.
Qasym-Jomart Toqaev būl marapatty jeke ózíne ǵana emes, tūtas Qazaqstan halqyna kórsetílgen sheksíz qūrmettíń belgísí retínde qabyl alǵanyn atap óttí.
Sonymen qatar ózbek kóshbasshysynyń ekí el arasyndaǵy dostyq pen tatu kórshílík baılanysty nyǵaıtuǵa qosqan úlesín aıryqsha baǵalaıtynyn jetkízdí.
– Būl joǵary nagrada dostyq, beıbítshílík jáne qūrmet sekíldí qazaqstandyqtardyń janyna jaqyn qūndylyqtardy árí sonymen úndes ózbek halqynyń ruhyn aıshyqtaıdy. Ordenníń atauy elderímíz arasyndaǵy qarym-qatynastyń mazmūnyn dálme-dál sıpattaıdy. Qazaqstan men Ózbekstannyń dostyǵy – baǵa jetpes baılyǵymyz. Bíz ony kózímízdíń qarashyǵyndaı saqtap, bauyrlas halyqtardyń ıgílígí úshín órkendetemíz. Bírlesken qajyr-qaırattyń arqasynda qazaq-ózbek strategıyalyq seríktestígí men odaqtastyǵyn ūdaıy jańa mazmūnmen baıyta beremíz dep senemín. Ūly Abaı men Nauaı dostyqtyń ozyq úlgísín dáríptep, ózara sením halyqtardyń tatulyǵyn nyǵaıtatynyn, bír-bíríne qūrmet ony shyńdaı túsetínín nasıhat ettí. Osy ósıetke súıeníp, bíz Ózbekstanmen bauyrlastyq odaqty nyǵaıtuǵa basa mán beremíz, – dedí Memleket basshysy.