Almatyda Otan qorǵaýshylar kúnine arnalǵan saltanatty konsert ótti, dep habarlaıdy Aqshamnews.kz
7 mamyr kúni Respýblıka saraıynda «Qarýly kúshter – táýelsiz eldiń qorǵany!» atty Otan qorǵaýshylar kúnine arnalǵan saltanatty konsert uıymdastyryldy. Sharaǵa ardagerler, áskerı qyzmetkerler, kúshtik qurylym ókilderi, sondaı-aq qala turǵyndary men qonaqtary jınaldy.
Konsert Qazaqstan Respýblıkasynyń Memlekettik Ánuranyn oryndaýmen bastaldy. Sahnada Almaty qalasy ákiminiń estradalyq-sımfonıalyq orkestriniń súıemeldeýimen Halyq artısi Talǵat Kúzembaev, Roza Rymbaeva, Birjan Hasanǵalıev, Dáýren Baıbóri, Oleg Tatamırov, «MýzArt Life», «Jigitter» toby, Raıymbek batyr atyndaǵy 38-shi desanttyq-shabýyldaý brıgadasynyń shyǵarmashylyq ujymy jáne basqa da óner adamdary qatysty.
Kórermender áskerı qyzmet pen el qorǵaýshylardyń erligine arnalǵan patrıottyq ánder men mýzykalyq shyǵarmalardy tyńdady. Baǵdarlamada «V zemlánke», «Jýravlı» sekildi áskerı ánder, patrıottyq popýrrı jáne «Uly elim», «Meniń Otanym», «Aıbyndy armıa», «Týǵan jer» syndy áserli ánderi shyrqaldy.
Konsert sońynda barsha qatysýshy Otanǵa degen súıispenshilik pen adaldyqtyń sımvolyna aınalǵan «Atameken» ánin qosyla shyrqady.
Bul konsert áskerı boryshqa degen qurmettiń, patrıotızmniń jáne halyq birliginiń jarqyn kórinisi boldy.