Memleket basshysyna agrarlyq salanyń bıylǵy on aı ishindegi damý qorytyndysy týraly baıandaldy, dep habarlaıdy aqshamnews.kz
Aıdarbek Saparov:
esepti kezeńde negizgi makrokórsetkishter boıynsha oń dınamıka baıqalatynyn aıtty.
Ónim óndirýde ótken jyldyń sáıkes kezeńimen salystyrǵanda, aýyl sharýashylyǵy 8,1 trıllıon teńgege jetip 5,4 paıyzǵa artsa, azyq-túlik 9 paıyzǵa ulǵaıyp 3,1 trıllıon teńge boldy. Al agrosektor taýarlarynyń eksporty 4,7 mıllıard dollarǵa deıin ósti.
agroónerkásip keshenindegi jaǵdaıdy jaqsartý úshin sońǵy eki jylda qabyldanǵan sharalar týraly málimet berdi.
Atap aıtqanda, aınalym qarajatyn tolyqtyrý jáne aýyl sharýashylyǵy tehnıkasyn lızıńke alý úshin 5 paıyzdyq mólsherlememen tikeleı nesıe berile bastady;
Memleket basshysynyń tapsyrmasy boıynsha agroónerkásip keshenin qarjylandyrý kólemi 1 trıllıon teńgege deıin ulǵaıdy. Onyń 250 mıllıard teńgesi aýyl sharýashylyǵy tehnıkasyna jeńildetilgen lızıń berýge baǵyttalǵan;
Bıyl 25 myńnan astam tehnıka satyp alyndy. Nátıjesinde mashına-traktor parkiniń tozý kórsetkishi 90 paıyzdan 70 paıyzǵa deıin tómendedi;
Qasym-Jomart Toqaevtyń tapsyrmasyna sáıkes, Mal sharýashylyǵyn damytýdyń keshendi jospary qabyldanady;
Salany sıfrlandyrý aıasynda «e-AÓK» biryńǵaı sıfrlyq ekojúıesin qurý jumystary júrgizilip jatyr. Bul platforma sýbsıdıalaý, jer qoryn basqarý, egin, mal jáne balyq sharýashylyqtary boıynsha kórsetiletin qyzmet túrlerin, memlekettik aqparattyq júıelerdi ortaq sıfrlyq arnaǵa toǵystyrady.
Prezıdent:
Aýyl sharýashylyǵy eńbekkerleriniń ekinshi forýmynda agroónerkásip keshenin odan ári damytý boıynsha berilgen tapsyrmalardy sapaly oryndaý qajet ekenine nazar aýdardy.
Sondaı-aq salanyń tıimdiligin arttyrýǵa jáne eldiń azyq-túlik qaýipsizdigin nyǵaıtýǵa baǵyttalǵan birqatar mindet júktedi.