2025 jylǵy 13 mamyrda Almaty tehnologıalyq kolejiniń stýdentteri AITV ınfeksıasynyń aldyn alý týraly kóptegen jańa jáne paıdaly aqparat aldy.
Almaty qalalyq JITS-tyń aldyn alý jáne oǵan qarsy kúres ortalyǵynyń mamandary stýdentterge AITV-nyń juǵý joldary men odan qorǵaný tásilderi týraly dáris oqydy. İs-shara Reprodýktıvti densaýlyq aptalyǵy aıasynda uıymdastyryldy.
AITV-nyń aldyn alý — bul, eń aldymen, aqparattanýdan bastalady. Bilim jastarǵa óz densaýlyǵyna jáne qaýipsizdigine sanaly túrde qaraýǵa kómektesedi.
AITV men JJBI-diń (jynystyq jolmen beriletin ınfeksıalar) aldyn alýdyń eń tıimdi ádisteriniń biri – árbir jynystyq qatynas kezinde músheqap qoldaný. Sondaı-aq AITV men basqa da JJBI-larǵa únemi test tapsyryp otyrý mańyzdy.
– AITV-nyń aldyn alý sharalarynda stıgma men kemsitýshilikke qarsy kúreske erekshe nazar aýdarylady. AITV-men ómir súretin adamdarǵa ashyq jáne qurmetpen qaraý – olardyń óz mártebesin bilýden qoryqpaı, kómek surap, qajet bolǵan jaǵdaıda ýaqytyly emdelýine múmkindik beredi, – deıdi Almaty qalasy JITS ortalyǵynyń áleýmettik qyzmetkeri Derbısálıeva Ansagúl.
İs-shara barysynda barlyq qalaýshylar óz AITV mártebesin anyqtaı aldy. Medısınalyq qyzmetkerler ekspress-testileý júrgizip, nátıjeler nebári 20 mınýt ishinde daıyn boldy. Testileýden ótken barlyq azamattarǵa psıhoáleýmettik keńes berildi.
#SalaýattyUrpaq2025 #ZdorovoePokolenıe2025
#RepHealth2025 #SalauattiUrpaq2025