Úkimet basshysy Oljas Bektenov Senattyń jalpy otyrysynda áleýmettik qoldaýǵa qatysty sheshimder men memlekettik shyǵystardy ońtaılandyrý jaıyn túsindirdi, - dep habarlaıdy aqshamnews.kz.
Premer-mınıstrdiń aıtýynsha, aldaǵy úsh jyldyq respýblıkalyq búdjetti qalyptastyrý kezinde bazalyq shyǵystar 15%-dan 12%-ǵa qysqartylǵan. Onyń sózinshe, áleýmettik sala memlekettik búdjetke eń kóp salmaq túsiredi: járdemaqylar, tólemder jáne qoldaýdyń basqa túrleri barlyq búdjettiń shamamen 60%-yn quraıdy. Jyldar boıy bul kórsetkish 40%-dan joǵary bolyp kelgen, al jańa búdjette 38%-ǵa deıin tómendegen.
Bektenov qoǵamda mundaı ózgerister árqashan oń qabyldana bermeıtinin moıyndady, biraq reforma jalǵasatynyn atap ótti.
"Áleýmettik qoldaýdy tek obektıvti sebeptermen jumys isteı almaıtyn jáne ózin-ózi qamtamasyz etýge múmkindigi joq azamattar ǵana alýy tıis. Al eńbekke qabiletti adam jumys isteýge mindetti. Memleket ony baǵyp-qaǵýǵa tıis emes jáne budan bylaı ondaı saıasat bolmaıdy", – dedi Premer-mınıstr.