Qazaqstan Respublıkasynyń Qaruly kúshterínde Desanttyq-shabuyldau áskerleríníń jauyngerlík ázírlígí qauyrt tekserílíp jatyr. Qorǵanys mınıstrí avıatsıya general-leıtenanty Dáuren Qosanovtyń basshylyǵymen ūıymdastyrylǵan būl shara qūramalar men áskerı bólímderge júktelgen míndetterdí oryndau qabíletín baǵalauǵa baǵyttalǵan.
Keń auqymdy ınspektsıya osy jyldyń 19 aqpanyna deıín jalǵaspaqshy. Tekseru ayasynda polıgondarda oqu-jauyngerlík tapsyrmalar keshenín oryndau da kózdelgen. Bólímsheler jauyngerlík dayarlyqtyń mejelí deńgeıíne keltírílíp, belgílengen audandarǵa jíberíledí.
Tekseru barysynda negízgí jauapkershílík Desanttyq-shabuyldau áskerleríníń qolbasshysyna júkteledí. Ol bólímshelerdíń belgílengen audandarda uaqytynda shūǵyl ornalasuyn jáne daıyndyq kezeńínde de, jauyngerlík oqu-jattyǵu ís-qımyldary barysynda da úzdíksíz basqaryluyn qamtamasyz etuí tıís.
Jeke qūram úsh kún boıy rotalyq taktıkalyq toppen ótkízíletín taktıkalyq jattyǵu ayasynda praktıkalyq ís-qımyldy pysyqtaıdy. Jattyǵu josparyna qaraı bólímsheler eldímekenderdí zańsyz qarulanǵan shartty toptardan tazartu míndetterín oryndaıdy. Odan bólek jauyngerlík tehnıkanyń jaraǵy men atys qaruynan oq atu júrgízíledí.
Áskerı qyzmetshíler sondaı-aq, jauyngerlík dayarlyqtyń negízgí pánderínen de synaq tapsyrady. Ásírese dene dayarlyǵy, shtattyq qarudan atys júrgízu daǵdylary, taktıkalyq medıtsına, baılanys qūraldarymen jūmys jáne ózge de beıíndík pánder boıynsha dayarlyq deńgeıí jítí nazarǵa alynatyn bolady.
Qorǵanys mınıstrí jeke qūramnyń jan-jaqty dayarlyǵyn qamtamasyz etu, jarǵy qaǵıdalaryn qatań saqtau jáne qaru-jaraq pen áskerı tehnıkany qoldanu kezínde qauípsízdík sharalaryn múltíksíz oryndau qajettígín atap óttí.
Tekseru sońynda Desanttyq-shabuyldau áskerleríníń ózderíne júktelgen míndetterdí oryndauǵa daıyndyǵy keshendí túrde baǵalanady.
