Júrek jaqsy jūmys ísteuí úshín kalıı asa mańyzdy. Būl makroelement mıokard dıstrofıyasynan qorǵaıdy. Būl turaly "Lenta.ru" basylymyna terapevt Oksana Pıvovarova aıtyp berdí, - dep habarlaıdy aqshamnews.kz tílshísí.
Dáríger as mázíríne órík, banan, qūlpynaı men qaraqat qosuǵa keńes berdí. Sonymen qatar, ol keıbír jemísterdíń qūramynda qant mólsherí kóp bolatynyn eskertíp, qanttyń artyq mólsherí júrek patologıyasy bar nauqastarǵa qatań túrde tyıym salynatynyn atap óttí. Onyń aıtuynsha, kalııdíń qūndy qorlaryn jańǵaqtardan, bauyrdan jáne sút ónímderínen de tabuǵa bolady, al sút ónímderín maılylyǵy 1 paıyzdan aspaıtyn túrínen tańdaǵan dūrys.
Sondaı-aq dáríger ekínshí mańyzdy element magnıı ekenín aıtty, ol qantamyr qabyrǵalarynyń serpímdílígí men tonusyna jauap beredí. Onyń tapshylyǵyn tolyqtyru úshín terapevt būrshaq tūqymdastarǵa, sábízge, qūlpynaıǵa, avokadoǵa jáne qaraqūmyq, sūly, bıdaı jarmalarynan daıyndalǵan botqalardy jeuge keńes berdí.
"Júrek būlshyqetíníń metabolızmínde omega-3 maı qyshqyldary erekshe ról atqarady. Olar júrektíń jıyrylu funktsıyasyn jaqsartyp qana qoımaı, "jaman" holesterın deńgeıín tómendetedí, sondaı-aq dıeta ūstanǵan kezde mańyzdy bolatyn aǵzanyń energetıkalyq balansyn qoldaıdy. Omega-3-tíń negízgí kózderí – aqserke jáne záıtún maıy", – dedí Pıvovarova.
Et ónímderíníń íshínen maman maıy az túrleríne – sıyr etíne, qūnajyn etíne, qoyan men tauyq etíne basymdyq berudí ūsyndy. Dámdeuíshterdí shamadan tys qoldanbau kerek: olar tek asqazan-íshek joly tarapynan emes, júrek-qantamyr júıesí jaǵynan da jaǵymsyz reaktsıyalar tuǵyzuy múmkín.