Jetísu audany qalanyń jetekshí ónerkásíptík jáne sauda ortalyǵynyń bírí retínde óz pozıtsıyasyn nyǵaıtty. Audan ákímí Lázzat Jylqybaevanyń aıtuynsha, ónerkásíp óndírísíníń kólemí 13,9%-ǵa ósíp, 320,8 mlrd teńgege jetken. Ekonomıkaǵa salǵan ınvestıtsıyalar 93,8 mlrd teńgení qūrap, óndírístík jáne áleumettík ınfraqūrylymdy damytuǵa yqpal ettí.
Qazír audanda 572 ónerkásíptík kásíporyn jūmys ísteıdí, olardyń 51-í úlken jáne orta, 521-í shaǵyn kásíporyn. Olar Jetísu audanynyń ónerkásíptík áleuetíníń negízín qūrap, júzdegen jańa jūmys ornyn ashyp otyr.
Qūrylys salasynda da ósím baıqalady: bítken jūmystyń kólemí 44,5%-ǵa artyp, 44,4 mlrd teńgege jettí. Paıdalanuǵa berílgen tūrǵyn úıdíń aumaǵy 15%-ǵa kóbeıíp, tūrǵyn úı qūrylysynyń qarqyny joǵary bolyp otyr.
Bızneske qoldau kórsetu men ınvestıtsıyalardy yntalandyru Almaty qalasynyń byudjetíne túsetín salyq túsímín 10,5%-ǵa arttyryp, 258,8 mlrd teńgege jetkízdí. Audanda 3 288 jańa jūmys orny qūryldy.
Ákímníń aıtuynsha, júzege asyp jatqan sharualar ekonomıkany damytuǵa ǵana emes, tūrǵyndardyń ómír súru sapasyn arttyruǵa da baǵyttalǵan.