Parlament Lıberal-demokratıalyq partıanyń jetekshisi Sanae Takaıtıdi eldiń jańa premer-mınıstri etip bekitti. Osylaısha 64 jastaǵy Takaıtı el tarıhynda bul laýazymǵa kelgen alǵashqy áıel atandy.
Ol últrakonservatıvti kózqarastarymen tanymal. Ekonomıkada burynǵy premer-mınıstr Sındzo Abe júrgizgen «Abenomıka» saıasatyn ustanady. Bul saıasat Japonıa bankiniń aqsha-nesıe saıasatyn jeńildetý, memlekettik shyǵyndardy arttyrý jáne qurylymdyq reformalar júrgizý arqyly ekonomıkany yntalandyrýdy kózdeıdi.
Takaıtı AQSH-pen aradaǵy saýda kelisimin qaıta qaraýǵa nıetti. Onyń AQSH prezıdenti Donald Tramppen alǵashqy kezdesýi qazan aıynyń sońynda Ońtústik Koreıada ótetin Azıa-Tynyq muhıty ekonomıkalyq yntymaqtastyǵy samıtinde ótýi múmkin.
Japonıada alǵash ret premer-mınıstr laýazymyna áıel adam taǵaıyndaldy
- Avtor aqshamnews.kz
- 16:51, 21 qazan 2025