«Ádílettí jáne Progressıvtí Qazaqstannyń Halyqtyq Konstıtutsıyasyn qoldau» jalpyūlttyq koalıtsıyasynyń resmı saıty aldaǵy referendumǵa jáne Jańa Konstıtutsıya jobasyna arnalǵan. Resurs qazaqstandyqtarǵa ūsynylyp otyrǵan ózgerísterdíń mazmūnymen tanysuǵa múmkíndík beretín túsíníktí árí qoljetímdí aqparat alańy retínde ázírlendí.
referendum2026.kz saıtynda Negízgí zań jobasynyń tolyq mátíní jarıyalandy. Sonymen qatar mūnda ózektí materıaldar, sarapshylardyń píkírlerí jáne Koalıtsıyanyń óńírlerdegí jūmysyna qatysty jańalyqtar tūraqty túrde jarıyalanyp otyrady.
Platformanyń qūrylymy paıdalanushylarǵa ondaǵy málímetterdí ońaı baǵdarlap, aldaǵy dauys beruge qatysty sūraqtaryna jauap tabuǵa yńǵaıly etíp jasalǵan.
Aqparatty qabyldaudyń qolaılylyǵyna aıryqsha kóńíl bólíníp, erekshe qajettílíkterí bar azamattarǵa arnalǵan beıímdelgen nūsqa jáne bet parametrlerín óz qalauynsha ózgertu múmkíndígí qarastyrylǵan.
Túsíndíru materıaldarynan bólek, saıtta Konstıtutsıyanyń mání men onyń qoǵam ómíríndegí rólín tereńírek ūǵynuǵa kómektesetín taqyryptyq materıaldar, vıdeokontent jáne ınteraktıvtí formattar ūsynylǵan.
Saıt ūsynylyp otyrǵan reformalardyń mánín jan-jaqty túsíníp, sanaly sheshím qabyldaǵysy keletín barlyq azamatqa senímdí árí tekserílgen aqparatqa qol jetkízuge múmkíndík beredí.
Būl resurstyń íske qosyluy «Ádílettí jáne Progressıvtí Qazaqstannyń Halyqtyq Konstıtutsıyasy úshín» jalpyūlttyq koalıtsıyasynyń júıelí jūmysynyń jalǵasy boldy. Onyń qūramyna jetekshí sayası partıyalardyń ókílderí men júzdegen qoǵamdyq ūıymdar kírdí. Bírlestíktíń jūmysy qazírdíń ózínde elímízdíń barlyq óńírínde qyzu júríp jatyr. Ol Jańa Konstıtutsıya jobasynyń negízgí qaǵıdalaryn túsíndíruge jáne qoǵamnyń būl íske belsendí aralasuyna baǵyttalǵan kezdesuler men ashyq dıalog alańdary arqyly júzege asyrylyp jatyr.
