Naıb ımamnyń aıtýynsha, vaksınalardyń halaldylyǵy jóninde alańdaýdyń qajeti joq.
Almatyda Óńirlik komýnıkasıalar qyzmeti alańynda qalanyń Ortalyq meshitiniń naıb ımamy Erjan Esim ıslam turǵysynan vaksınalaný týraly suraqtarǵa jaýap berdi, dep habarlaıdy Almaty-akshamy.kz
Din ókiliniń aıtýynsha, birde-bir dástúrli dinde vaksınalanýǵa tyıym salynbaǵan, kerisinshe, densaýlyqty saqtaýǵa degen umtylys qoldaý tabady.
«Biz otbasylarymyzdy koronavırýstan qorǵap, árqaısymyzdyń jaǵdaıymyzǵa qamqorlyq jasaýǵa tıispiz. Vaksınalaný – bul jalǵyz sheshim jáne qazir óte mańyzdy. Din árkimge ómir men densaýlyqqa durys kútim jasaýdy jáne aýrýdyń aldyn-alý joldaryn izdeýdi mindetteıtinin este ustaǵan jón. Vaksınalar birqatar musylman elderinde qoldanylady, sondyqtan ýaqyt joǵaltpaı, halal jáne halal emes vaksınalardy qarastyrý qajet. Adamdardyń ómirin qutqaratyn kez keldi. Vaksınaǵa qarsylardyń medısınaǵa qatysy joq»,– dedi din qyzmetkeri.
Ol sondaı-aq Saýd Arabıasy bıliginiń sheshimimen Mekke men Medınadaǵy qasıetti oryndarǵa úlken jáne kishi qajylyqqa qatysý úshin musylman qajylary koronavırýsqa qarsy vaksınalaýdan ótýi kerek ekenin aıtty. Bul sheshimdi búkil álemdegi dindarlar qoldady.
Erjan Esim vaksınalardyń halaldylyǵy jóninde alańdaýdyń qajeti joq ekenin atap ótti. Mysaly, QazVac qazaqstandyq vaksınasy halal jalpy talaptarǵa sáıkestik sertıfıkatyn aldy.