Qazaqstannyń 8 oblysyndaǵy tasjolda qarly aýa raıy bolýy múmkin, dep habarlaıdy AqshamNews.kz tilshisi.
«QazAvtoJol» málimetinshe, 2 aqpan kúni Abaı, Aqmola, Batys Qazaqstan, Pavlodar, Qaraǵandy, Qostanaı, Shyǵys Qazaqstan men Ulytaý oblystarynyń keı jerlerinde qar jaýady dep boljanyp otyr.
Osyǵan baılanysty júrgizýshiler jolǵa shyǵar aldy saparyn aldyn ala josparlap, saqtyqty kúsheıtýi qajet:
- kóriný qashyqtyǵy men jol jamylǵysynyń jaǵdaıyna saı qaýipsiz jyldamdyqty tańdańyz;
- araqashyqtyqty saqtap, kúrt manevr jasaýdan aýlaq bolyńyz;
- Jol qozǵalysy erejelerin qatań ustanyp, ózińizdiń jáne ózgelerdiń qaýipsizdigin birinshi orynǵa qoıyńyz.
«Joldaǵy ahýal jáne múmkin bolatyn shekteýler týraly naqty aqparatty táýlik boıy 1403 baılanys ortalyǵyna habarlasyp bile alasyz», – delingen habarlamada.