Turızm salasyn damytu maqsatynda elímízdíń bírqatar óńírínde tek shetel azamattaryna arnalǵan oıyn aımaqtaryn salu múmkíndígí boıynsha áleumettík-ekonomıkalyq zertteu júrgízíldí.
Jańadan salynatyn oıyn aımaqtary tek sheteldík turısterge qyzmet kórsetedí. Qazaqstan Respublıkasynyń azamattaryna atalǵan oıyn zaldaryna kíruge tyıym salynady, - dep habarlaıdy Aqshamnews.kz.
Álemdík tájírıbe kórsetkendeı, bírqatar elde tek sheteldíkterge arnalǵan oıyn aımaqtary turısterdí tartudyń jáne kurorttyq ınfraqūrylymdy damytudyń tıímdí tetígíne aınalǵan. Mūndaı tájírıbe íshkí áleumettík ortaǵa kerí áser etpeı, ekonomıkalyq ósímge oń yqpal etedí.
Zertteu qorytyndysyna sáıkes, Mańǵystau oblysy tūrǵyndarynyń 46 paıyzy sheteldíkterge arnalǵan kazıno salu bastamasyn qoldaǵan. Ekonomıkalyq boljam boıynsha, 2029 jylǵa qaraı óńírge 148 myń sheteldík turıst keledí dep kútíledí. Būl 7 myń tūraqty jūmys ornynyń ashyluyna jáne byudjetke 1,2 mlrd teńge salyq túsímín qamtamasyz etuge múmkíndík beredí.
Jetísu oblysynda saualnamaǵa qatysqandardyń 67 paıyzy kazıno qūrylysyna qarsy emes ekenín bíldírgen. Boljam boıynsha, 2029 jylǵa qaraı óńír jyl saıyn 36 myńǵa deıín sheteldík turıst qabyldap, shamamen 700 jańa jūmys orny ashylady. Jergílíktí byudjetke jylyna 2,4 mlrd teńge salyq túsedí dep kútílude.
Almaty oblysynda respondentterdíń 54,5 paıyzy oıyn aımaqtaryn salu bastamasyn qoldaıtynyn atap ótken. Ekonomıkalyq taldauǵa sáıkes, 2030 jylǵa qaraı óńírge keletín sheteldík turıster sany 22 810 adamǵa jetedí. Sonymen qatar 2028 jylǵa deıín ekí oıyn aımaǵynan 6,5 mlrd teńge salyq túsíp, 2 myń tūraqty jūmys orny ashylady.
Aıta keteıík, oıyn aımaqtaryn belgíleu jáne olardyń qyzmetí «Oıyn bıznesí turaly» Qazaqstan Respublıkasynyń Zańyna sáıkes júzege asyrylady. Aımaqtardyń naqty shekarasyn jergílíktí atqarushy organdar aıqyndaıdy. Al jūmys tártíbíne sáıkes, oıyn oryndaryna tek shetel azamattar ǵana kíre alady.