Elímíz boıynsha 2334 auyl ákímí saılandy. Būl turaly búgín Astanada auyl ákímderíníń dıalog-platformasynda aıtyldy, - dep habarlaıdy aqshamnews.kz tílshísí.
"2020 jyly halyqqa Joldauymda auyl ákímderín tíkeleı saılau turaly bastama kótergenímdí bílesízder. Būl memlekettí basqaru ísín túbegeılí jańǵyrtu jolyndaǵy asa mańyzdy qadam boldy. Sebebí jergílíktí ákímder búkíl bılík júıesíníń tíregí sanalady.
Sondyqtan bíz orynsyz asyǵystyqqa jol bergen joqpyz, auyl ákímderín saılau jūmysyn 5 jyldyń íshínde bírtíndep júzege asyrdyq.
Búkíl elímíz boıynsha 2334 auyl ákímí saılandy. Olardyń ortasha jasy – 43 jas. Jańadan saılanǵan ákímderdíń úshten bírí – būryn memlekettík qyzmette bolmaǵan azamattar", - dedí Qasym-Jomart Toqaev.