. Memlekettíń zaıyrly sıpaty bírjaqty bekítílgen. Būl – qoǵamnyń sūranysy.
Qazaqstan aumaǵyndaǵy dínı ūıymdardyń qyzmetí zańǵa sáıkes júzege asyrylady jáne konstıtutsıyalyq qūrylystyń negízderín qorǵau, ūlttyq qauípsízdíktí qamtamasyz etu, qoǵamdyq tártíptí, adamnyń qūqyqtary men bostandyqtaryn, azamattardyń densaulyǵy men qoǵamnyń ımandylyǵyn qorǵau maqsatynda shekteluí múmkín degen talap belgílendí.
Būl memlekettíń dínı sením bostandyǵy men basqa da konstıtutsıyalyq qūndylyqtar arasyndaǵy tepe-teńdíktí, eń aldymen konstıtutsıyalyq qūrylysty qorǵaudy qamtamasyz etuge degen ūmtylysyn kórsetedí.
Halyq dínı bírlestíkter azamattyq qoǵamnyń mańyzdy ınstıtuttary bola otyryp, zańdy órísten tys jūmys ísteı almaıdy nemese qoǵamdyq bılíktí almastyra almaıdy dep sanaıdy. Osylaısha, barlyq subektílerdíń zań aldyndaǵy bírtūtas qūqyqtyq keńístígí men teńdígí qamtamasyz etíledí.
13. Menshíktíń barlyq nysandary úshín tanu, kepíldík jáne teń qorǵau bekítíledí (qazír tek 2 nysan bar - memlekettík jáne jeke, būl menshík nysandarynyń aluantúrlílígín eskermeıdí). Menshíktí paıdalanu qoǵam men memlekettíń múddeleríne jauap beruí, qorshaǵan ortany qorǵau salasyndaǵy belgílengen talaptardy saqtaı otyryp júzege asyryluy jáne basqa adamdardyń zańmen qorǵalatyn qūqyqtary men múddeleríne nūqsan keltírmeuí tıís.
Qoldanystaǵy Konstıtutsıyada «menshík míndetteıdí jáne ony paıdalanu bír uaqytta qoǵamdyq ıgílíkke qyzmet etuí kerek» degen túsíníksíz tūjyrym qarastyrylǵan.
Būl naqtylaudy qajet etedí, óıtkení qoǵamdyq ıgílík ūǵymy óte keń.
14. Memlekettík tíl turaly ūsynylǵan ózgerís memlekettík tíldíń qazaq tílí ekenín tíkeleı kórsete otyryp, ekpíndí kúsheıtedí.