Almatyda kólík jáne logıstıka salasyndaǵy qūzyrettílík ortalyǵy men mūrajaı ashyldy, dep habarlaıdy aqshamnews.kz
Almaty kólík jáne kommunıkatsıyalar kolledjínde «Kólík, kommunıkatsıyalar jáne logıstıka» óńírlík qūzyrettílíkter ortalyǵy men kolledj mūrajaıynyń saltanatty ashyluy óttí. Ís-shara bílím ordasynyń 95 jyldyǵyna oraı ūıymdastyryldy. Ǵasyrǵa juyq tarıhy bar kolledj osy uaqyt íshínde elímízdíń temírjol salasyna kásíbı mamandar dayarlaıtyn basty oqu oryndarynyń bíríne aınaldy.
Jańa ortalyqtyń maqsaty – kólík, logıstıka jáne kommunıkatsıya salalary boıynsha eńbek naryǵy talap etetín zamanauı daǵdylardy meńgergen bílíktí mamandardy dayarlau. Ortalyq eń ozyq jabdyqtarmen, sımulyatorlarmen jáne tsıfrlyq tehnologıyalarmen qamtamasyz etílgen. Būl studentterge kásíbı mashyqtaryn shyńdauǵa, al mamandarǵa qaıta dayarlaudan ótuge múmkíndík beredí.
Ashylu saltanatyna Almaty qalasy Bílím basqarmasynyń ókílderí, áleumettík seríktester, ózge kolledj dırektorlary, túlekter men studentter qatysty.
Sol kúní kolledjdíń jańa mūrajaıy da jūrtshylyqqa tanystyryldy. Mūnda oqu ornynyń tarıhynan syr shertetín bíregeı eksponattar, mūraǵat materıaldary men ár dáuírdíń oqytushylary men túlekteríníń estelíkterí jınaqtalǵan. Mūrajaı – kolledjdíń ótkení men búgínín jalǵaıtyn, kásíbı bílím beru júıesíníń úzdík dástúrlerín nasıhattaıtyn erekshe oryn.
– Óńírlík qūzyrettílík ortalyǵy men mūrajaıdyń ashyluy – būl tek ótkenge taǵzym ǵana emes, bolashaqqa salynǵan ınvestıtsıya. Bíz būl ortalyqtyń studentter ǵana emes, tūtas óńír úshín damudyń jańa serpíní bolaryna senímdímíz, – dedí kolledj dırektory Erbol Maǵazov.
Kolledj ūjymy barlyq seríktester men qonaqtarǵa mereıtoılyq sharaǵa qatysqany jáne kásíbı bílím berudíń jańa kókjıekterín bírge ashqany úshín alǵysyn bíldírdí.