Qonaev Unıversıtetínde esírtkíge qarsy profılaktıkalyq ís-shara óttí
Almaty qalasyndaǵy Qonaev Unıversıtetínde studentterdíń qūqyqtyq sauattylyǵyn arttyru jáne esírtkíníń zańsyz aınalymynyń aldyn alu maqsatynda auqymdy profılaktıkalyq kezdesu ūıymdastyryldy. Ís-shara «Esírtkíníń zańsyz aınalymynyń aldyn alu» aılyǵy ayasynda óttí.
Kezdesudíń basty maqsaty – jastar arasynda esírtkí zattarynyń taraluyna jol bermeu, osy baǵyttaǵy qūqyqbūzushylyqtardyń aldyn alu jáne zańsyz áreketter turaly aqparatty tıístí organdarǵa qauípsíz árí tıímdí jetkízu joldaryn keńínen túsíndíru boldy.
Jıyndy Qonaev Unıversıtetíníń tárbıe jūmysy jáne áleumettík-mádenı damu jóníndegí prorektory, PhD doktory, dotsent Talǵat Dúısebaev ashty. Ol óz sózínde jastar tárbıesí men qūqyqtyq mádenıettí qalyptastyru – bílím beru ūıymynyń basym baǵyttarynyń bírí ekenín atap óttí. Profılaktıkalyq kezdesuge qūqyq qorǵau organdarynyń ókílderí men sala ardagerlerí qatysty. Atap aıtqanda, prokuratura organdarynyń ardagerlerí Ábdíhalyq Isaev pen Gúlnara Áuelbekqyzy, QR ÍÍM tergeu organdarynyń ardagerí Seríkqazy Ábdírahmanov, polıtsıya podpolkovnıgí Omarbek Ákímbekov sóz sóıledí.
– Nashaqor – qylmysker. Nashaqorlyqtyń saldarynan qanshama jas órenníń taǵdyry qūrtylady. Būryn kóp qoldanylǵan alkogoldík ónímderdí qazírgí jastar tūtynbaıdy. Búgín esírtkí alkogoldíń ornyn almastyrdy, – dedí Seríkqazy Ábdírahmanov.
Sonymen qatar, Qonaev Unıversıtetíníń doktoranttary, zań ǵylymynyń magıstrlerí, aǵa oqytushylar Daryn Áshímbaev pen Gúlhan Narımanqyzy óz tájírıbelerín ortaǵa saldy. Bílíktí advokat retínde Gúlhan Narımanqyzy esírtkí qylmystaryna qatysty zańnamalyq normalar men qūqyqtyq qorǵau tetíkteríne keńínen toqtaldy.
Prokuratura organynyń ardagerí Gúlnara Áuelbekqyzy bullıng pen esírtkíníń zańsyz aınalymy máselesín bólek qarastyruǵa bolmaıtynyn ashyq aıtty.
– Būl ekí qūbylys bír-bírímen tyǵyz baılanysty áleumettík problema.
Bullıngke ūshyraǵan jasóspírím eń aldymen psıhologıyalyq soqqy alady. Qorqynysh, jalǵyzdyq, ózín kereksíz sezínu, kúızelís – mūnyń bárí íshkí kúıreuge alyp keledí. Osyndaı jaǵdaıda keıbír jastar uaqytsha «jeńíldík» ízdep, temekíge, alkogolge, típtí esírtkíge júgínuí múmkín, – dedí ol.
Kezdesu barysynda Qazaqstan Respublıkasynyń esírtkíníń zańsyz aınalymy salasyndaǵy qylmystyq zańnamasynyń negízgí erejelerí túsíndírílíp, jastardy qūqyqqa qarsy áreketterge tartudyń zamanauı tásílderí talqylandy. Ásírese ınternet pen áleumettík jelíler arqyly júzege asyrylatyn zańsyz áreketterdíń qaupíne erekshe nazar audaryldy.
Ís-shara barysynda studentter kókeıleríndegí sūraqtaryn qoıyp, mamandardan naqty jauap aldy. Qūqyqbūzushylyq belgílerí anyqtalǵan jaǵdaıda aqparatty qūzyrly organdarǵa jasyryn árí qauípsíz túrde jetkízu joldary tanystyryldy. Ūıymdastyrushylar mūndaı kezdesulerdíń mańyzy zor ekenín atap ótíp, qauípsíz árí qūqyqtyq mádenıetí joǵary bílím beru ortasyn qalyptastyru – barshaǵa ortaq míndet ekenín jetkízdí.
