Ulttyq Olımpıada komıteti dereginshe, Japonıanyń Kıtakýshý qalasynda sporttyq gımnastıkadan álem chempıonaty aıaqtaldy
Qazaqstan komandasynyń bas bapkeri Aleksandr Kım sportshylardyń kórsetkishine baǵa berdi, dep habarlaıdy Almaty-akshamy.kz
«Mılad Karımı erkin jattyǵýda jetinshi oryn aldy. Al gımnastıkalyq at snarádynda Narıman Kýrbanovqa medal úshin az ǵana upaı jetpeı qaldy. Chempıondyq ataq amerıkalyq Stefan Nedorochıktiń enshisinde ketti.
Al gımnastıkalyq kermedegi jattyǵýda Mılad óte qıyn elementterdi oryndady. Soǵan qaramastan, besinshi orynda qaldy. Endi munymen toqtamaı, aldaǵy jarystarǵa daıyndalamyz», - deıdi bas bapker.
Sondaı-aq, álem chempıonatynda qazaqstandyq gımnastar tórt fınalǵa shyqty. Alaıda, bapkerler sheshimimen Karımı kópsaıystaǵy fınaldan bas tartty.