Jetísu audanynda jol-kólík ınfraqūrylymyn damytudy kózdeıtín úlken jūmys ístelíp jatyr. Ásírese tūrǵyndardyń qauípsízdígí men jaılylyǵyn qamtamasyz etuge erekshe kóńíl bólíp otyr audanda.
Audan ákímí Lázzat Jylqybaeva Óńírlík kommunıkatsıyalar qyzmetíníń alańynda habarlaǵandaı, 2025 jyly jalpy ūzyndyǵy 26 shaqyrymdy qūraıtyn 33 kóshede ortasha jol jóndeu jūmystary júrgízílgen.
Sonymen qatar, «Tehnıkalyq trotuarlardy abattandyru» jobasy ayasynda 11 kóshedegí jūmys bíttí. Olardyń qatarynda Kókmaısa shaǵyn audany, Boraldaı, Jangeldın, Esenov, Jetísu, Qūdabaıūly, Shekspır kóshesí, sondaı-aq Seıfullın dańǵyly men Soltústík aınalma joly bar. Jūmystyń jalpy auqymy 11 myń sharshy metrden asyp tústí.
Audandaǵy shūńqyrlar da jóndeldí: jol jamylǵysynyń 33 myń sharshy metrden astam aqauy joıylyp, 60 jańa lyuk ornatyldy, sondaı-aq 257-den astam lyuk pen jańbyr suyn qabyldaıtyn qūdyq salyndy.
«Kólík ınfraqūrylymyn damytu – jūmysymyzdyń eń mańyzdy baǵytynyń bírí. Bíz Jetísu audanynyń joldaryn yńǵaıly, qauípsíz árí ūzaqqa shydaıtyn etudí maqsat etíp otyrmyz», - deıdí Lázzat Jylqybaeva.
2026 jyly jol jóndeu barysynda 30 myń sharshy metr asfalt jabyndysy jóndelmek. Sondaı-aq ūzyndyǵy 5 220 metr (shamamen 10 440 sharshy metr) trotuarlardy qaıta qūryp, abattandyru jaǵy qolǵa alynbaq.
Tūrǵyndardyń ótíníshí boıynsha joldardy keńeıtu men abattandyru úshín qajettí jer uchaskelerí satyp alynyp jatyr.
