Astanada sarapshylar «Otbasylyq qūndylyqtardyń qūqyqtyq negízí jáne áleumettík qorǵau» - atty taqyryby ayasynda jańa Konstıtutsıya jobasyn talqylady.
Búgín Zańnama jáne qūqyqtyq aqparat ınstıtuty Qazaqstandyq qoǵamdyq damu ınstıtutymen bírlesíp Qazaqstan Respublıkasy jańa Konstıtutsıyasynyń jobasyn keńeıtílgen saraptamalyq talqylaudan ótkízdí. Eldíń jetekshí qūqyqtanushylary, sayasattanushylary men áleumettanushylary Ata Zańnyń negízgí jańalyqtaryn qarastyryp, otbasy men neke ınstıtutyn nyǵaıtu máseleleríne erekshe nazar audardy.
Kezdesu pánaralyq dıalog formatynda óttí. Ǵalymdar men sarapshylar ana men ákení, balany qorǵauǵa, sondaı-aq nekeníń konstıtutsıyalyq mártebesíne qatysty ūsynylǵan baptardyń tūjyrymdaryn jan-jaqty taldady.
Talqylaudy asha otyryp, Zańnama jáne qūqyqtyq aqparat ınstıtutynyń dırektory, zań ǵylymdarynyń doktory, professor Indıra Aubakırova konstıtutsıyalyq reformalardy ǵylymı tūrǵydan pysyqtaudyń strategıyalyq mańyzyn atap óttí:
«Jańa Konstıtutsıya jobasy — būl jańartylǵan normalardyń jaı ǵana jıyntyǵy emes, memleketímízdíń damuynyń jańa kezeńíníń kórínísí. Búgín qūqyqtanushylar men áleumettanushylardyń kúshín bíríktíre otyryp, bíz konstıtutsıyalyq jańalyqtardyń qūqyqtyq tūrǵydan mínsíz árí ómírsheń boluyna jūmys ístep jatyrmyz. Otbasylyq qūndylyqtardy qorǵaıtyn normalarǵa erekshe mán beremíz, óıtkení otbasy — qoǵamnyń tabıǵı árí írgelí ūyasy. Bízdíń míndet — mūndaı ınstıtuttarǵa qazírgí zamannyń syn-qaterlerí men halqymyzdyń dástúrleríne saı senímdí konstıtutsıyalyq kepíldík beru».
Óz kezegínde Qazaqstandyq qoǵamdyq damu ınstıtuty Basqarma tóraıymy, fılosofıya doktory (PhD) Jūldyzaı Iskakova reformalardyń áleumettík ólshemíníń mańyzyn atap óttí:
«Konstıtutsıya azamattardyń kútuleríne ún qatuy tıís. Zańnama ınstıtutymen bírlesken jūmys qūqyqtyq tūjyrymdardy qoǵamnyń naqty sūranystarymen úılestíruge múmkíndík beredí, jeke adamnyń qūqyqtaryn qorǵau men ūlttyń mádenı kodyn saqtau arasyndaǵy tepe-teńdíktí qamtamasyz etedí».
Otyrys barysynda jahandanu jaǵdaıynda dástúrlí qūndylyqtardy saqtau máselelerí tóńíregínde qyzu píkírtalas órbídí. Qatysushylar qazírgí zamannyń ótkír áleumettík syn-qaterlerín de nazardan tys qaldyrmady. Atap aıtqanda, jūmyssyzdyqpen kúres máselelerí, sondaı-aq bullıng (qorlau) jáne stalkıng (qudalau) sıyaqty terís qūbylystarǵa qarsy ís-qımyldyń qūqyqtyq tetíkterí naqty qaraldy. Sarapshylar tūlǵany qauíp-qaterdíń jańa túrlerínen qorǵau úshín senímdí qūqyqtyq tosqauyldar qūru qajettígín talqylady.
Ís-shara qorytyndysynda qatysushylar atalǵan normalardy konstıtutsıyalyq deńgeıde bekítudíń uaqtyly ekenín bírauyzdan atap ótíp, olardyń qoǵamda joǵary sūranysqa ıe ekenín aıtty.
Sonymen bírge, sarapshylar būl konstıtutsıyalyq kepíldíkterdí praktıkalyq íske asyru zańdar men zańǵa táueldí aktíler deńgeıínde odan árí mūqıyat pysyqtaudy jáne naqtylaudy talap etetínín erekshe atap óttí.