Astanadaǵy Beıbítshílík jáne kelísím saraıynda Qaıta órleu dáuíríníń ūly oıshyldarynyń bírí Leonardo da Vınchıdíń ómíríne, ǵylymı ízdenísterí men ınjenerlík mūrasyna arnalǵan «Leonardo da Vinci: Genius of the Renaissance» halyqaralyq kórmesíníń tanystyrylymy óttí, – dep habarlaıdy aqshamnews.kz tílshísí.
Kórmeníń ashyluyna QR Premer-Mınıstríníń orynbasary – Mádenıet jáne aqparat mınıstrí Aıda Balaeva, kórme komıssary Olga Rıgo, Rım qalasyndaǵy Leonardo da Vınchı muzeıíníń dırektory Avgusto Bıadjo, sondaı-aq dıplomatıyalyq korpus ókílderí qatysty.
Aıda Balaeva ekspozıtsıyanyń Halyqaralyq muzeıler kúnínde ótkízíluíníń aıryqsha mání bar ekenín atap óttí. Būl kún álemdík mádenı mūrany saqtau, ǵylym men ónerdí damytu jáne mádenıetaralyq dıalogty nyǵaıtu ıdeyalary tóńíregínde jūrtshylyqty bíríktíredí. Úkímet basshysynyń orynbasarynyń aıtuynsha, búgínde Qazaqstanda 286 muzeı jūmys ístep tūr. Olardyń qorynda 4,5 mıllıonnan astam jádíger saqtalǵan. Muzeılerge jyl saıyn 6,5 mıllıonnan astam adam keledí.
Sonymen qatar Aıda Balaeva mūndaı halyqaralyq deńgeıdegí kórmeler Qazaqstandaǵy mádenı turızmníń damuyna tyń serpín beretínín atap óttí. Osyndaı jobalar azamattardyń álemdík óner men ǵylym tarıhyndaǵy ūly mūralarmen óz elímízde tanysuǵa jol ashady. Sonymen qatar elímízdíń halyqaralyq mádenı keńístíktegí bedelín arttyryp, jańa áríptestík jobalarǵa negíz qalaıdy.
«Memleket basshysy Qasym-Jomart Kemelūly Toqaev atap ótkendeı, tsıfrlyq tehnologıyalardy uaqyt talabyna saı ıgergen elder ǵana órkenıet kóshínen qalmaıdy. Sondyqtan Qazaqstanda ınnovatsıyany, kreatıvtí ındustrıyany, zamanauı mádenı jobalardy jáne jańa formattaǵy óner keńístíkterín damytuǵa erekshe kóńíl bólíníp keledí. Osy tūrǵydan alǵanda, Leonardo da Vınchı mūrasy búgíngí kúnmen de tereń úndesedí. Ol óz dáuírínde ónerdí, ǵylymdy, ınjenerıyany, sáulet pen shyǵarmashylyq oıdy bír arnaǵa toǵystyra bílgen erekshe tūlǵa. Onyń ízdenísterí adamzatqa oı erkíndígíníń, qıyal quatynyń jáne jańashyldyqqa ūmtylystyń qandaı bıík nátıjege jetkízetínín kórsettí», – dedí Premer-Mınıstrdíń orynbasary.
Būdan bólek, Aıda Balaeva mádenı yntymaqtastyqty nyǵaıtuǵa jáne Qazaqstan ónerín álemdík deńgeıde ílgeríletuge baǵyttalǵan írí halyqaralyq kórme jobalaryn íske asyru boıynsha atqarylyp jatqan jūmystarǵa toqtaldy. Atap aıtqanda, 2024 jyly Qazaqstanda Leonardo da Vınchıdíń qūpıyaǵa toly bíregeı tuyndylarynyń bírí – «Ádemí hanshaıym» /La Bella Principessa/ kartınasy kópshílík nazaryna ūsynyldy. Sonymen qatar Parıjdegí Gıme Azıya óner muzeıínde «Qazaqstan: Ūly dala jauharlary» kórmesí, Qytaıdyń Tyantszın qalasynda «Altyn adam jáne Ūly dala» halyqaralyq kórmesí ūıymdastyryldy. Máskeudegí Tretyakov galereyasynda ótken «Qazaqstan óneríníń jauharlary» kórmesí de kórermender tarapynan joǵary baǵalandy. Sondaı-aq, Qazaqstan 61-shí Venetsıya bıennalesínde Ūlttyq pavılonyn tanystyrdy. Al bıyl kúzde Almatyda «HH ǵasyrdaǵy orys óneríníń 30 jauhary» kórmesín ashu josparlanyp otyr.
Aıta keteıík, Astanaǵa Rım men Florentsıya muzeılerínen Leonardo da Vınchıdíń áıgílí «Vınchı kodeksteríndegí» syzbalary men jazbalary negízínde qalpyna keltírílgen 40-tan astam tolyq ólshemdí mehanızm modelí jetkízíldí. Eksponattar qatarynda ūshu apparattary, ınjenerlík qūrylymdar, áskerı mashınalar men óz dáuírínen áldeqaıda ozyq ıdeyalarǵa negízdelgen qūrylǵylar bar. Keıín būl ıdeyalardyń bírqatary zamanauı tehnologıyalardyń bastauyna aınaldy.
«Búgínde Astana írí mádenı jáne multımedıyalyq jobalar ótetín mańyzdy halyqaralyq alańǵa aınalyp keledí. Būl – damu, tehnologıya jáne alǵa ūmtylyspen assotsıatsıyalanatyn zamanauı qala. Sondyqtan dál osy jerde óz zamanynan bírneshe ǵasyr ozyq tūrǵan Leonardo da Vınchı turaly aıtu erekshe sımvoldyq mánge ıe. Kórme Astana tūrǵyndary men qonaqtary úshín mańyzdy mádenı oqıǵa bolatynyna senímdímín», – dedí Olga Rıgo.
Ekspozıtsıya shamamen 3 myń sharshy metr aumaqqa ornalastyrylǵan. Kórme keńístígí aua, su, jer jáne ot taqyryptaryna arnalǵan bírneshe aımaqqa bólíngen. Mūndaı qūrylym Leonardo da Vınchıdíń tabıǵat kúshterín, qozǵalysty, adam denesíníń qūrylymyn jáne mehanıka qaǵıdattaryn qalaı zerttegenín, óz baqylaularyn ınjenerlík sheshímder men ónertabystarǵa qalaı aınaldyrǵanyn tereńírek túsínuge múmkíndík beredí.
Kórmeníń jeke bólímí suretshíníń eń tanymal tuyndylarynyń reproduktsıyalaryna arnalǵan. Ekspozıtsıya multımedıyalyq formatta bezendírílgen. LED-tunnelder, tsıfrlyq proektsıyalar men golografıyalyq ınstallyatsıyalar Leonardo da Vınchıdíń ıdeyalaryn kórnekí túrde tanystyryp, onyń ónertabystary qalaı jūmys ísteuí múmkín ekenín áserlí formatta kórsetedí.
Kórme Qazaqstan Respublıkasy Mádenıet jáne aqparat mınıstrlígí men Astana qalasy ákímdígíníń qoldauymen ótedí. Ūıymdastyrushy – «Astana Kontsert» kompanıyasy.
Ekspozıtsıya kelushíler úshín 2026 jylǵy 19 mamyrdan 30 qyrkúıekke deıín kún saıyn, demalyssyz, saǵat 10:00-den 20:00-ge deıín ashyq bolady.
Mekenjaıy: Astana qalasy, Táuelsízdík dańǵyly, 57.
QR Mádenıet jáne aqparat mınıstrlígíníń baspasóz qyzmetí