Nauryzbaı audanyndaǵy oqushy oryndarynyń tapshylyǵy qalaı sheshílíp jatqanyn audan ákímí Nazıra Toǵyzbaeva Almaty óńírlík kommunıkatsıyalar qyzmetínde ótken baspasóz konferentsıyasynda bayandap berdí, dep habarlaıdy aqshamnews.kz
«Audan tūrǵyndary ósíp jatqandyqtan tezdetíp mektep pen balabaqsha saludy qolǵa aldyq. Bıyl būl másele bírtíndep sheshílíp jatyr», - dedí ol.
Bıyl audanda 5 500 oryndyq 3 jańa mektep ashylǵan. Olar «Nūrly dala» tūrǵyn úı keshenínde, Sábdenov kóshesí men «Qūramys» shaǵynaudanynda ornalasqan. Sonymen qatar, «Alem City» men «Alma sıtı-3» tūrǵyn úı kesheníníń mańynda árqaısysy 1 200 oryndyq ekí jańa mekteptíń, sondaı-aq №174 mektepke qosymsha ǵımarattyń qūrylysy ayaqtalyp qaldy. Būl nysandardy 2026 jyldyń bírínshí toqsanynda ashu josparlanyp otyr.
Būdan bólek, 2025 jyly 340 oryndyq jataqhanasy bar №15 mektep-ınternattyń qūrylysy da ayaqtalady. Mektepke deıíngí bílím beru boıynsha audanda 6 memlekettík, 162 jekemenshík balabaqsha jūmys ísteıdí, onda shamamen 11 000 bala bar. Oryn tapshylyǵyn azaıtu maqsatynda bıylǵy qyrkúıekte «Shūǵyla» shaǵynaudanynda 320 oryndyq balabaqsha ashyldy.
Sonymen qatar, jyl sońyna deıín «Qūramys» pen «Shūǵyla» shaǵynaudandarynda taǵy ekí 320 oryndyq balabaqsha paıdalanuǵa berílse, 2026 jyly «Qalqaman» shaǵynaudanynda 240 oryndyq balabaqsha ashylǵaly otyr. Osylaısha, 2025 jyldyń sońyna deıín audandaǵy mektepke deıíngí mekemelerde qosymsha 880 jańa oryn paıda bolmaq.
