2026 jyly 1 qańtardan bastap kemínde bes jyl boıy MÁMS júıesíne tūraqty túrde jarna tólep kelgen Almaty tūrǵyndary tólem uaqytsha toqtatylǵan jaǵdaıda da alty aı boıy saqtandyrylǵan mártebesín saqtaı alady.
Óńírlík kommunıkatsıyalar qyzmetí alańynda «Áleumettík medıtsınalyq saqtandyru qory» KEAQ Almaty qalalyq bólímshesíníń dırektory Mūhamedjan Ílıyas osylaı dedí. Jańa norma ásírese, jūmys ornyn auystyrǵan jaldamaly qyzmetkerlerge kerek, bíraq ol jarna tóleushílerdíń barlyq sanatyn bírdeı qamtıdy eken.
«Yaǵnı, jūmysynan aıyrylǵan nemese uaqytsha qarjylyq qıyndyqqa tap bolǵan azamattar medıtsınalyq kómeksíz qalmaıdy, būrynǵydaı MÁMS ayasynda qyzmet ala beredí. Bíraq tabysy qaıta qalpyna kelgennen keıín ótken aılardaǵy bereshegín óteuí kerek», – dedí ol.
Qazír «saqtandyrylǵan» mártebesí tólem toqtatylǵannan keıín úsh aı boıy saqtalady. Būl norma jarnany tóleu ūzaqtyǵyna qaramastan árí qaraı da qoldanysta bolady. Saqtandyrylǵan mártebení alǵash ret alǵandar būrynǵydaı 12 aıǵa jarna tóleıdí. Spıkerdíń aıtuynsha, būl ózgeríster azamattardyń áleumettík jaǵynan qorǵaluyn arttyryp, medıtsınalyq saqtandyru júıesínen uaqytsha shyǵyp qalu qaupín azaıtuǵa baǵyttalǵan.
Sondaı-aq, 2026 jyldan bastap MÁMS júıesínde saqtandyru modelíníń qarjylyq tūraqtylyǵy men ádíldígín arttyruǵa baǵyttalǵan bíraz ózgerís engízíledí. Atap aıtqanda, jarnany esepteu úshín tabystyń joǵarǵy shegí ūlǵaıtylady: • qyzmetkerler úshín – 20 eń tómengí jalaqyǵa deıín, • jūmys berushíler úshín – 40 eń tómengí jalaqyǵa deıín. Qazírgí tańda būl shek 10 eń tómengí jalaqy bolyp otyr. Spıkerdíń aıtuynsha, shektí mólsherdíń ózgeruí osy júıedegílerge qarjylyq júktemení teńestíruge múmkíndík beredí, sebebí qazír joǵary tabysy bar azamattar jarnany salystyrmaly túrde az tóleıdí.
Būl ózgerís jyl saıyn shamamen 200 mlrd teńgedeı qosymsha qarjy tartuǵa jol ashpaq. Sonymen qatar, atalǵan ózgeríster densaulyq saqtau qyzmetíne báríníń ádíl túrde qoly jetíp, memleket, jūmys berushíler men azamattardyń MÁMS júıesíne teńdeı qatysuyna negízdelgen Bíryńǵaı medıtsınalyq kómek paketín qalyptastyru úshín qolǵa alynyp jatqany aıtyldy.