Almatylyq semserlesushíler Sofıya Aqtaeva men Tımofeı Semyonov jasóspírímder arasyndaǵy Álem kubogynda kúmís pen qola júlde aldy, - dep habarlaıdy Aqshamnews.kz tílshísí.
BAÁ-níń Fudjeıra qalasynda jasóspírímderdíń arasynda rapıramen semserlesuden Álem kubogy bolyp óttí. Halyqaralyq jarystyń qorytyndysy boıynsha Qazaqstan qūramasynyń sportshylary deńgeıí joǵary ekenín kórsetíp, júldelí orynǵa ıe boldy.
Sofıya Aktaeva jarystyń barlyq kezeńínen senímdí ótíp, fınalǵa deıín jettí. Qorytyndysynda ol Álem kubogynyń kúmís júldesín jeńíp aldy.
Jarystyń sońǵy kúní jeke kezdesude Tımofeı Semyonov jaqsy óner kórsetíp, jasóspírímder arasyndaǵy Álem kubogynyń qola medalín aldy.
Qazaqstandyq sportshylardyń osy joly sáttí óner kórsetkení olardyń halyqaralyq arenada básekege qabílettí ekenín taǵy bír márte dáleldep berdí.
Jasóspírímder arasyndaǵy semserlesuden Álem kubogynyń kezeńí (FIE Junior World Cup) 2026 jylǵy 2–4 qańtar aralyǵynda Fudjeırada (BAÁ) ótíp, jarysta jasóspírímder men kadetter rapıramen saıysqa túsken.