Almatynyń qyzmetterí su tasqyny men kóshkín mausymyna daıyndyq jūmysyn qalypty jūmys rejımde júrgízíp jatyr, dep habarlaıdy aqshamnews.kz
Jaǵdaıdy baqylauda ūstap, qajettí sharualardy aldyn ala qolǵa aluǵa kírístí, jedel áreket etuge kúsh pen qūral jaǵy da jetkílíktí. Óńírlík kommunıkatsıyalar qyzmetínde ótken baspasóz konferentsıyasynda Almaty qalasynyń Tótenshe jaǵdaılar departamentí Eskertu basqarmasynyń bastyǵy Almaz Qūrmanov osylaı dedí.
Onyń aıtuynsha, mausymdyq ózgerís kóbíne jauyn-shashyn mol túsíp, kóktemde qar erígennen bolady, bíraq būl Almaty úshín qalypty nárse. Bıyl topyraqtyń toń qatu tereńdígí 37–39 sm-den aspaıdy, būl qolaıly kórsetkísh, erígen qar suynyń tez síńuíne múmkíndík beredí. Aqpan aıynda aua raıy salystyrmaly túrde qolaıly bolady, ortasha temperatura shamamen −2,4 °C, jauyn-shashyn mólsherí qalypty deńgeıden sál joǵary.
«Bíz barlyq tabıǵı qūbylysty aldyn ala taldap, soǵan saı qam jasaımyz. Qazír jaǵdaı tūraqty, qalalyq qyzmetter de tótenshe jaǵdaıdyń aldyn alu úshín ǵana barynsha saılanyp, saq otyr», – deıdí Almaz Qūrmanov.
TJD baqylauynda būryn su basqan Alatau men Bostandyq audanyndaǵy jetí uchaske bar. Qazír Kókqaınar shaǵyn audanynda Boraldaı ózeníníń arnasy keńeıtílíp jatyr, Jáńgír han kóshesínde sorǵy stantsıyasyn ornatuǵa daıyndyq júrgízíle bastady. Qalǵan uchaskelerdíń qauíptílígí ortasha deńgeıde bolǵandyqtan, mamandar olardy úzbeı baqylap otyr.
Kóktemgí kezeńge daıyndyq ayasynda qaladan aldyn ala 147 myń tekshe metr qar shyǵaryldy. Qajettí kúsh pen tehnıka jasaqtalǵan. 1 800-den astam adam men 700-den astam arnauly tehnıka tartyldy osy íske, profılaktıkalyq jūmystarǵa arnalǵan materıaldar men jabdyqtar da daıyn tūr.
«Oqys oqıǵaǵa jol bermeı, tūrǵyndardyń qauípsízdígín qamtamasyz etu míndetímíz. Barlyq qyzmet tolyq jasaqtalǵan, tehnıka da tekserílgen, aldaǵy jūmystyń bárín kúní būryn pysyqtap qoıdyq», – deıdí spıker.
Kóshkín qaupín azaıtu baǵytynda da júıelí jūmys ístelíp jatyr. Almatyda shamamen kóshkín boluy múmkín 190 qauíptí aumaq bar. Byltyrdan bastap segíz jerde ınjenerlík ís-sharalar qolǵa alyndy, olar tūrǵyn úıler men turıstík ınfraqūrylymdy, sonyń íshínde Medeu – Shymbūlaq baǵytyn qorǵaıdy. Ótken jyly taǵy osyndaı 15 uchaskede jūmys ísteldí.
Sonymen qatar selden qorǵanu jaǵy da eskerílgen. Qala ústíndegí barlyq morenalyq kólder qysqy rejımde jáne qauíp tóndírmeıdí. Olardy baqylau men bosatudy kózdeıtín jūmys jaz mezgílínde josparly túrde jalǵasady.
Mamandar qysqy jáne kóktemgí kezeńde tauda negízgí qauípsízdíktí saqtaudyń mańyzdylyǵyn eske salady. Bıík tauly aımaqta qar kóshkíní tabıǵı qūbylys bolǵandyqtan, qala tūrǵyndary men turısterge beıíndí qyzmetterdíń ūsynymdaryn eskeríp, baǵyttaryn kún raıyna qaraı josparlaudy ūsyndy.
Jalpy, Tótenshe jaǵdaılar departamentíníń málímetínshe, Almaty mausymdyq ózgeríske sabyrly árí júıelí túrde daıyndalyp jatyr, tūrǵyndardyń qauípsízdígí men jaılylyǵyn qamtamasyz etu úshín barlyq qajettí sharualar aldyn ala qolǵa alynǵan.
