Almaty qalalyq Jedel shūǵyl kómek kórsetu auruhanasynda jambas jáne tíze buyndary hırurgıyasy salasyndaǵy álemge tanymal maman, brıtandyq ortoped-hırurg, professor Djon Konroıdyń qatysuymen halyqaralyq kásíbı tájírıbe almasu ís-sharasy óttí, – dep habarlaıdy aqshamnews.kz tílshísí.
Ís-shara ayasynda MAKO robottandyrylǵan júıesín qoldana otyryp, tíze buynyn tolyq jáne jartylaı, jambas buynyn tolyq endoprotezdeu baǵytyndaǵy zamanauı tásílder tanystyryldy. Kezdesudíń negízgí maqsaty - otandyq mamandarmen tájírıbe almasu, ozyq tehnologıyany tanystyru jáne buyn hırurgıyasyndaǵy jańa múmkíndíktí keńínen kórsetu.
Professor Djon Konroı - jambas jáne tíze buyndary hırurgıyasy salasynda halyqaralyq deńgeıde moıyndalǵan maman, robottyń kómegímen jasalatyn hırurgıya baǵytyndaǵy jetekshí sarapshynyń bírí. Ol eńbek jolynda 4 myńnan astam buyn endoprotezdeu otasyn, myńǵa juyq robottandyrylǵan otany, sondaı-aq kóptegen kúrdelí qaıta jasalatyn ota men artroskopıyalyq aralasudy oryndaǵan. Onyń ústíne professor MAKO tehnologıyasy boıynsha halyqaralyq nūsqaushy retínde Europa, Azıya jáne Tayau Shyǵys elderíníń hırurgterín oqytyp keledí.
Kezdesu barysynda professor Djon Konroı klınıkalyq jaǵdaılardy jan-jaqty taldap, otaǵa deıíngí josparlau qaǵıdattaryn túsíndírdí, buyn endoprotezdeudegí dáldíktíń mańyzyna toqtaldy jáne robottandyrylǵan júıeníń artyqshylyǵyn kórsettí. Sondaı-aq ota jasau bólímínde tájírıbelík kezeńderdí kórsetílíp, hırurgıyalyq tásílderdíń negízgí baǵyttaryn talqylandy.
Praktıkalyq bólímge ūsynylǵan 10 kúrdelí klınıkalyq jaǵdaıdyń íshínen ekí patsıent íríktelíp, olarǵa tíze buynyna joǵary tehnologıyaly endoprotezdeu otasy sáttí jasaldy. Operatsıyalar MAKO robottandyrylǵan júıesíníń kómegímen júrgízíldí. Būl tehnologıya ımplantty asa dál ornalastyruǵa, ota sapasyn arttyruǵa jáne nauqastyń ońalu merzímín qysqartuǵa múmkíndík beredí.
Professor Djon Konroı Qalalyq jedel shūǵyl kómek kórsetu auruhanasy mamandarynyń kásíbı deńgeıín joǵary baǵalap, mekemeníń zamanauı ortopedıyalyq tehnologıyany engízuge áleuetí zor ekenín atap óttí. Onyń aıtuynsha, mūndaı bastama aımaqta robottandyrylǵan hırurgıyany damytuǵa jol ashady.
Auruhananyń travmatologıya jáne ortopedıya bólímshesíníń meńgerushísí Saǵıt Mahanov halyqaralyq deńgeıdegí áríptestermen tájírıbe almasudyń mańyzy zor ekenín aıtty.
«Álemdík deńgeıdegí mamandarmen tájírıbe almasu bízge ota jasau tásílderín jetíldíruge, zamanauı tehnologıyany engízuge jáne patsıentterge kórsetíletín kómektíń sapasyn arttyruǵa múmkíndík beredí. Būl - elímízdegí joǵary tehnologıyaly ortopedıyany damytu jolyndaǵy mańyzdy qadam», - dep, professor Djon Konroıǵa jáne ís-sharany ūıymdastyruyp ótkízuge atsalysqan barlyq mamanǵa alǵys bíldírdí.