20 aqpan kúní jergílíktí uaqyt boıynsha saǵat 15:00-de Almaty qalasynda Qazaqstan–Italıya sauda úıíníń resmı ashyluy ótedí, dep habarlaıdy aqshamnews.kz
Būl jańa alań Qazaqstan Respublıkasy men Italıya Respublıkasy arasyndaǵy sauda-ekonomıkalyq jáne ınvestıtsıyalyq yntymaqtastyqty damytuǵa arnalǵan ınstıtutsıonaldyq platforma bolmaq.
Sauda úıí Almaty qalasy, Nauryzbaı batyr kóshesí, 17A (Almaty Plaza) mekenjaıynda ornalasqan. Ol Almaty, Mılan jáne Atyrau qalalarynda jūmys ístep tūrǵan keńselerdí bíríktíretín Italıya–Qazaqstan sauda qauymdastyǵynyń (ACIK) jańa ískerlík alańy bolady.
Joba ekí el arasyndaǵy ekonomıkalyq áríptestíktí nyǵaıtyp, bıznestí qoldaudyń tūraqty ortalyǵyna aınaludy kózdeıdí. Sonymen qatar ol Ortalyq Azıya men Europa arasyndaǵy ózara tıímdí yntymaqtastyqty ílgeríletuge baǵyttalǵan.
Sauda úıíníń qyzmetí sauda men ınvestıtsıyalardy qoldaudy, bírlesken kásíporyndar men ónerkásíptík jobalardy damytuǵa járdemdesudí, óndírístík kooperatsıyany keńeıtudí, tehnologıyalar men tájírıbe almasudy, "Made with Italy" ónerkásíptík yntymaqtastyq úlgísín ílgeríletudí, sondaı-aq gumanıtarlyq jáne mádenı baılanystardy nyǵaıtudy qamtıdy.
Sauda úıíníń ınfraqūrylymynda ískerlík kelíssózder men kezdesuler ótkízuge arnalǵan keńseler, bıznes-forumdar, tanystyrylymdar men resmı ís-sharalarǵa arnalǵan konferents jáne kórme zaldary, sondaı-aq ózara ís-qımyldyń aralas formattaryn ūıymdastyruǵa múmkíndík beretín zamanauı tsıfrlyq sheshímder qarastyrylǵan.
Ískerlík ózara árekettestíktí qosymsha qoldau maqsatynda alańda Qazaqstannyń damu ınstıtuttarynyń aqparattyq būryshtary ornalastyrylady. Olardyń qatarynda Kazakh Invest, QazTrade, Kazakh Export jáne Kazakh Tourism bar. Būl ūıymdar yntymaqtastyq múmkíndíkterí men memlekettík qoldau sharalary turaly ózektí aqparat ūsynady.
"Sauda úıíníń ashyluy Qazaqstannyń europalyq baǵyttaǵy ekonomıkalyq dıplomatıyasyn damytudaǵy mańyzdy qadam retínde qarastyrylady jáne ekíjaqty yntymaqtastyqty jańa sapaly deńgeıge shyǵaruǵa múmkíndík beredí. Atalǵan joba ekí el arasyndaǵy joǵary deńgeıde qol jetkízílgen kelísímderdíń nátıjesí sanalady. Onyń íshínde Italıya premer-mınıstrí Djordjıya Melonıdíń Astanaǵa resmı sapary, sondaı-aq uákílettí memlekettík organdardyń, damu ınstıtuttarynyń jáne ísker toptardyń júıelí ózara ís-qımyly bar", – delíngen habarlamada.
