Almatyda jastardyń bastamasymen Jańa Konstıtutsıyany qoldauǵa arnalǵan patrıottyq fleshmob ūıymdastyryldy.
Ís-shara qalanyń kóríktí oryndarynyń bírí – Kóktóbede óttí. Oǵan 500-den astam jas qatysyp, óz azamattyq ūstanymyn aıqyn bíldírdí.
Fleshmob ayasynda bıíktígí 7 metr bolatyn Qazaqstan Respublıkasynyń Memlekettík Tuy kóterílíp, patrıottyq ánder oryndaldy. Būl ūlttyq bírlík pen ortaq jauapkershílíktíń aıqyn kórínísíne aınaldy.
Ís-sharaǵa qatysushylardyń bírí Yrysbek Ahataı: «Jańa Konstıtutsıya jaı ǵana qūqyqtyq qūjat emes, memlekettíń damuyna baǵyt beretín strategıyalyq baǵdar. Jastar reformalardyń mánín tereń túsíníp, belsendí azamattyq ūstanym tanytuǵa tıís», – dep atap óttí.
Al belsendí Qadyrbek Faızullaev: «Búgíngí fleshmob jastardyń bírlígí men jauapkershílígíníń kórínísí. Konstıtutsıyalyq ózgeríster ádílettí qoǵam qūruǵa baǵyttalǵan naqty qadam. Bíz el bolashaǵyna beıjaı qaramaımyz», – dedí.
Ís-sharanyń negízgí maqsaty jastar arasynda konstıtutsıyalyq qūndylyqtardy dárípteu, azamattyq belsendílíktí arttyru jáne qoǵamdaǵy bírlíktí nyǵaıtu.
Jańa Konstıtutsıyany qoldau arqyly jastar eldíń zańdy, ádílettí árí ornyqty damuyna óz úlesín qosuǵa daıyn ekenín kórsettí.
