Almaty qalasynyń TJD 112 púltine taýda aıaǵyn jaraqattap alǵan qyzǵa kómek qajet ekeni týraly habarlama tústi, dep habarlaıdy Aqshamnews.kz tilshisi.
TJM baspasóz qyzmetiniń málimetinshe, 18 jastaǵy qyz tórt adamnan quralǵan toppen birge Medeý aýdany aýmaǵyndaǵy Kók-Jaılaý taýly óńirinde júrgen.
Vedomstvonyń habarlaýynsha, qutqarýshylardyń jaıaý kóterilýi bir saǵattan astam ýaqytqa sozylyp, kúrdeli aýa raıynda, qarańǵy ýaqytta jáne tik jartasty eńistermen ótken. Zardap shegýshini tasymaldaý kezinde SMK mamandary shuǵyl medısınalyq kómek kórsetken. Keıin týrıs qyz aýrýhanaǵa jetkizilip, emdeýge jatqyzyldy.
Aıta keteıik, Almaty qutqarýshylary taýda jaraqat alǵan týrıserge buǵan deıin de birneshe ret kómekke kelgen. Sonyń biri – 2025 jylǵy qyrkúıekte İle Alataýy taýlarynda áıel adam jaraqat alyp, qutqarýshylar ony túnde taýyp, jedel járdem brıgadasyna jetkizgen.