Almatyda qalalyq qyzmetterdíń kóktemgí su tasqynyna dayarlyǵyn pysyqtap jatyr, dep habarlaıdy aqshamnews.kz
Óńírlík kommunıkatsıyalar qyzmetínde ótken brıfıngte Almatydaǵy Ekologıya jáne qorshaǵan orta basqarmasy basshysynyń orynbasary Arshat Baqtygereev osy jónínde málímdedí. Onyń aıtuynsha, su tasqyny bolady dep alańdauǵa negíz joq, tūrǵyn úı sektory men ınfraqūrylym nysandaryn kóktemde su basatyn qauíp te edáuír azaıǵan.
Almaty aumaǵynda 153 su nysany bar, onyń íshínde jalpy ūzyndyǵy 586,2 shaqyrym bolatyn 109 su arnasy men 44 su aıdyny bar. Qalada 29 tíreu gıdrotehnıkalyq qūrylysy jūmys ísteıdí, olardyń jeteuí jóndeudí qajet etedí, sonyń íshíndegí altauy kommunaldyq menshíkte eken.
«Qaladaǵy erígen su men jańbyr suynyń aǵysyn qamtamasyz etetín ūzyndyǵy 1 525 shaqyrym bolatyn aryq jelísí bar. Su bógeles úshín aryq pen ótkelderdí kún saıyn tazartyp otyrady. Su jaıylyp jatsa 52 brıgada jedel jūmys ísteuge taǵy daıyn otyr», – deıdí Arshat Baqtygereev.
Qazír qalanyń ortalyq, shyǵys jáne batys bólígínde aryq jelísí men nóser kárízín salyp, ony qaıta jańǵyrtu jobasy qolǵa alynyp jatyr.
Osy joly qalanyń ortalyq bólígínde jūmystar tolyq ayaqtalyp, 158 uchaskede 76,6 shaqyrym aryq jelísí qaıta jańǵyrtyldy.
Shyǵys jaqtaǵy ūzyndyǵy 26,2 shaqyrym bolatyn 58 jerdegí jūmys ta ayaqtaldy, bıyl qosymsha 30 jerdegí 7,6 shaqyrymda osyndaı jūmys ísteledí.
Batys bólígínde qazírgí uaqytta 9,3 shaqyrym jūmys atqaryldy, 2026 jylǵa jospar 41,7 shaqyrymdy qūraıdy.
2026 jylǵy su tasqyny kezeńínde tótenshe jaǵdaıdyń aldyn alu úshín 1 867 adamnan, 775 bírlík tehnıkadan, 119 motopompa men 6 júzu qūralynan tūratyn kúshter men qūraldar daıyndaldy. 23 500-den astam qap pen 17 843 tonna ınerttí materıal qory jasaqtaldy, sondaı-aq qalqalar men uaqytsha ornalastyratyn oryndar jaǵy da álden ázírleníp qoıyldy.
Su tasqyny kezeńíne arnauly qyzmetter saqadaı saı otyr.