Almaty qalasynyń Memlekettík arhıví eldíń tarıhı-mádenı mūrasyn saqtaudaǵy negízgí qorlardyń bírí bolyp tabylady. Búgíngí tańda arhıvte 2 139 qor saqtauly, onyń íshínde 145-í jeke tektík qorlar. Atalǵan qorlardyń qūramynda 1860–2025 jyldar aralyǵyn qamtıtyn 1 342 975 saqtau bírlígí bar. Būl turaly Óńírlík kommunıkatsıyalar qyzmetínde ótken brıfıng barysynda Almaty qalasy Mádenıet basqarmasynyń basshysy Danıyar Álıev málímdedí.
2025 jyly memlekettík saqtauǵa ártúrlí tasymaldaǵyshtardaǵy 22 514 saqtau bírlígí qabyldandy. Būl arhıv qorlarynyń júıelí túrde tolyqtyrylyp, qūjattyq massıvtíń tūraqty ósíp otyrǵanyn kórsetedí.
"Tsıfrlyq Qazaqstan" memlekettík baǵdarlamasyn íske asyru ayasynda Almaty qalasynyń Memlekettík arhıvínde arhıvtík qūjattardy tsıfrlandyru jūmystary tūraqty túrde júrgízílude.
"2023–2025 jyldar aralyǵynda arhıvtík materıaldardy tsıfrlyq formatqa kóshíru kórsetkíshteríníń ósuí tehnıkalyq bazanyń kezeń-kezeńímen jańartyluy jáne zamanauı keńse tehnıkasynyń satyp alynuymen tíkeleı baılanysty. Atap aıtqanda, 2023 jyly arhıvtík qūjattardy tsıfrlandyru kólemí 2022 jylmen salystyrǵanda 3 paıyzǵa artty", – dep atap óttí basqarma basshysy Danıyar Álıev.
2025 jyl arhıv úshín erekshe mańyzǵa ıe boldy. Osy jyly arhıvke planetarlyq jáne avtomattandyrylǵan kítap skanerlerí satyp alyndy. Būl qūjattarǵa zaqym keltírmeı, ūqypty árí qauípsíz túrde tsıfrlandyruǵa múmkíndík berdí. Atalǵan jabdyqtar standartty emes materıaldardy (syzbalar, kartalar, shemalar), sondaı-aq fızıkalyq tūrǵydan álsíregen qūjattardy (kalka, kraft-qaǵaz, vıntajdy tasymaldaǵyshtar) tsıfrlandyruda keńínen qoldanyluda.
2026 jylǵy 1 qańtardaǵy jaǵdaı boıynsha arhıvte 146 529 ís tsıfrlandyrylyp, olardyń jalpy kólemí 20 012 075 paraqty qūrady.
2025 jyly "Arhıvtík anyqtamalar, arhıvtík qūjattardyń kóshírmelerí men arhıvtík úzíndílerdí beru" memlekettík qyzmetí ayasynda 35 946 qyzmet kórsetíldí.
Almaty qalasynyń Memlekettík arhıví ūrpaqtar sabaqtastyǵyn aıqyndaıtyn qūjattyq jadyny saqtaumen qatar, zamanauı tsıfrlyq sheshímderdí belsendí túrde engízude. Būl tarıhı mūrany azamattar, zertteushíler jáne bolashaq ūrpaq úshín barynsha qoljetímdí etuge múmkíndík beredí. Arhıvtíń tsıfrlyq transformatsıyasy ótken men búgíndí jalǵaıtyn mańyzdy kópírge aınalyp, tarıhty tírí árí ashyq resurs retínde ūsynuda.