Almaty kólík jáne kommunıkatsıyalar kolledjínde pedagogıkalyq ūjymmen Konstıtutsıyalyq reforma máselelerí boıynsha aqparattyq-túsíndíru jūmysy ótkízíldí.
Ís-sharaǵa oqytushylar men óndírístík oqytu sheberlerí qatysty.
Kezdesudíń negízgí maqsaty – konstıtutsıyalyq reformanyń negízgí baǵyttaryn túsíndíru, qūqyqtyq memleket qaǵıdattaryn nyǵaıtu, azamattardyń sheshím qabyldau úderísíne qatysuyn keńeıtu jáne memlekettík ınstıtuttardyń jauapkershílígín arttyru máselelerín talqylau boldy.
Kezdesu barysynda qatysushylarǵa konstıtutsıyalyq reformanyń mání men mańyzy, onyń qoǵam men memleket damuyna áserí turaly jan-jaqty aqparat beríldí. Reformalardyń demokratıyalyq qaǵıdattardy nyǵaıtuǵa, zań ústemdígín qamtamasyz etuge jáne azamattardyń qūqyqtary men bostandyqtaryn qorǵauǵa baǵyttalǵany atap ótíldí.
Talqylau barysynda kelesí máseleler qarastyryldy:
· azamattardyń memlekettík mańyzy bar sheshímder qabyldauǵa qatysu múmkíndíkterín keńeıtu;
· bılík tarmaqtary arasyndaǵy tepe-teńdík júıesín jetíldíru;
· adam qūqyqtary men bostandyqtarynyń kepíldíkterín kúsheıtu;
· «Zań jáne Tártíp» qaǵıdatyn ornyqtyru.
Kolledj dırektory Magazov Erbol Djarullaevıch óz sózínde konstıtutsıyalyq reformanyń memleket damuynyń strategıyalyq baǵyty ekenín atap óttí. Ol pedagogterdíń qūqyqtyq mádenıettí qalyptastyrudaǵy, bílím alushylardyń azamattyq jauapkershílígín arttyrudaǵy rólíníń erekshe mańyzǵa ıe ekenín aıtty.
Ís-shara sońynda qatysushylar píkír almasyp, qūqyqtyq sauattylyqty arttyruǵa baǵyttalǵan mūndaı kezdesulerdíń mańyzdylyǵyn atap óttí.
Eske salaıyq, Memleket basshysy qol qoıǵan jarlyqqa sáıkes, 2026 jylǵy 15 nauryzda Konstıtutsıyalyq reformalardy qabyldau boıynsha respublıkalyq referendum ótkizíledí.
