Air China áuekompanıyasy Almaty men Chendu Tyanfu (Qytaı Halyq Respublıkasy), Sychuan provıntsıyasynyń ákímshílík ortalyǵy arasynda tíkeleı áue qatynasyn íske qosty, - dep habarlaıdy Aqshamnews.kz.
CA456 reısí aptasyna ekí ret — seısenbí jáne senbí kúnderí Airbus A320 ūshaǵymen oryndalady. Almatydan ūshu uaqyty — 21:30, Chenduge kelu — kelesí kúní jergílíktí uaqyt boıynsha 04:30. Chendu qalasynan Almatyǵa ūshu shamamen 3,5 saǵatty alady, būl tranzıttík reıstermen salystyrǵanda kemínde 7 saǵat uaqyt únemdeuge múmkíndík beredí. Qaıtar reıstíń ūzaqtyǵy — shamamen 5 saǵat.
Búgínde Almaty álemníń 60 qalasymen tíkeleı áue reısterí arqyly baılanysqan. 2025 jyly 13 jańa halyqaralyq baǵyt ashyldy. Chendu qalasyna jańa reıstíń íske qosyluy Qazaqstan men Qytaı arasyndaǵy ískerlík jáne turıstík baılanystardy nyǵaıtyp, óńírde turızmdí damytuǵa qosymsha múmkíndíkter ashady