Almaty qalasy ákímíníń orynbasary Oljas Smaǵūlov Alatau, Áuezov, Bostandyq jáne Medeu audandaryna baryp, jańa kommunaldyq jármeńkeler saluǵa belgílengen aumaqtarmen tanysty.
Áuezov audanyndaǵy demalys kúngí jármeńkede ol ınvestorlarmen, sondaı-aq Almaty qalasynyń Kásípkerlík jáne ınvestıtsıyalar basqarmasy men «Almaty» ÁKK ókílderímen kezdestí. Kezdesu barysynda jármeńkelerdí jańǵyrtu jáne jańalaryn salu josparlary talqylandy.
2026 jyly Almatyda demalys kúnderí ótetín jármeńkeler sanyn 2,5 esege arttyryp, 1000-nan astam ís-shara ūıymdastyru kózdelíp otyr. Sonymen qatar Túrkístan, Jetísu, Almaty, Jambyl, Qaraǵandy, Shyǵys Qazaqstan jáne Abaı oblystarynan, sondaı-aq Ózbekstan men Tájíkstannan keletín fermerlerdíń qatysuymen keńeıtílgen auyl sharuashylyǵy jármeńkelerín ótkízu josparlanǵan.
Jūmys sapary barysynda ákím orynbasary belgílengen baǵamen óním satylatyn áleumettík pavılondarǵa erekshe nazar audardy. Bıyl olardy jańǵyrtu, sauda alańdaryn keńeıtu jáne jańa nysandar ashu arqyly qala tūrǵyndary úshín tauarlardyń qoljetímdílígín arttyru josparlanyp otyr.
