Almaty ákímí Darhan Satybaldy tūrǵyndardy jeke máselesí boıynsha qabyldady. Tūrǵyndar áleumettík qoldau, medıtsınalyq kómek, ınjenerlík ınfraqūrylym, kóríktendíru, kólík qauípsízdígí, tūrǵyn úı sayasaty jáne jer qatynastary jáne t.b. jaıttardy kóterdí.
Qala tūrǵyndaryna jeńíldíkter alu tártíbí, medıtsınalyq qyzmet kórsetu jáne baspana beru tetíkterí jónínde zańnamalyq túsíníkteme beríldí.
Ótíníshterdíń basym bólígí ınjenerlík jelílerge, su sapasyna, joldy qalpyna keltíruge, gaz kommunıkatsıyalarynyń jaı-kúıíne jáne aula mańyn abattandyruǵa qatysty boldy. Sondaı-aq, balalar oıyn alańdaryn ornatu jáne qaldyq jınau júıesín jetíldíru jónínde ūsynystar aıtyldy.
Almaty ákímí atqarylǵan jūmystardyń sapasyn baqylaudy kúsheıtudí, jol tósemín qalpyna keltírudí jedeldetudí jáne bírqatar audanda qosymsha jerasty konteınerlerín ornatudy tapsyrdy. Kólík qauípsízdígíne baılanysty tūrǵyndardyń retteletín júrgínshí ótkelderíne qatysty ótíníshterí de qaraldy. Būl jobalar 2026 jylǵa arnalǵan josparǵa engízíldí.
Sonymen qatar Bas jospardy túzetu, jer telímderíníń jaldau merzímín ūzartu, memleket qajetíne jer alu rásímderí syndy qala qūrylysy sayasatyna qatysty jaıttar da talqylandy.
Qabyldau qorytyndysy boıynsha qala basshysy sheshímín kútken jedel máselelerdí tıístí basqarmalarǵa tapsyrdy, barlyq rásímníń ashyq árí túsíníktí boluyn jáne berílgen tapsyrmalardyń oryndaluyn qatań baqylauda ūstaudy júktedí. Darhan Satybaldy tūrǵyndarmen ashyq dıalog – qalalyq ortany jaqsartudyń negízgí tetígí ekenín atady.
Aıta keteıík, azamattardy jeke máselesí boıynsha qabyldau tūraqty túrde ótkízíledí. Almaty ákímí audan tūrǵyndarymen ūdaıy kezdesíp, jobalardyń oryndalu barysyn jergílíktí jerde baqylaıdy.