Aty ańyzǵa aınalǵan Djekı Chan "Qūdaı sauyty - 4: Ultimatum" ("Dospehı Boga 4: Ultimatum") fılmín Mańǵystau oblysynda túsíruí múmkín. Túsírílím toby Aqtauǵa kelíp, aumaqty zertteuge kírísken, - dep habarlaıdy aqshamnews.kz Lada.kz-ke sílteme jasap.
1986 jyly alǵash shyqqan "Qūdaı sauyty" fılmí - Djekı Chan fılmografıyasyndaǵy eń erekshe jobalardyń bírí sanalady. Fılmníń jalǵasy turaly jańalyq álemníń túkpír-túkpíríndegí jankúıerlerdíń qyzyǵushylyǵyn oyatty, al Mańǵystaudyń túsírílím alańy retínde tańdaluy Qazaqstan kınoındustrıyasy úshín mańyzdy oqıǵaǵa aınaluy múmkín.
Túsírílím toby kelgen kúní Mańǵystau oblysynyń ákímímen kezdestí. Kezdesude ūıymdastyru máselelerí jáne óńír aumaǵynda túsírílím protsesín júrgízu sharalary talqylandy.
Joba tolyq maqūldanǵan jaǵdaıda, Mańǵystau jahandyq kınematografıyalyq tarıhtyń bír bólígíne aınalyp, Djekı Chan qatysatyn írí halyqaralyq ekshn-fılmde alǵash ret kórínuí múmkín.
Aıta keteıík, sheteldík turıster óńírdíń kóríktí jerlerín bírneshe ret atap ótken. Máselen, ázerbaıjandyq ánshí árí kásípker Emin "Būl jerdíń ertegí emes, shyn ekeníne sene almaımyn" degen.