2026 jyly aqqular Kaspıı jaǵalauyna qystauǵa keldí. Aqtau tūrǵyndary olardy kóru úshín jaǵalauǵa jappaı jınalyp, jem beríp jatyr.
Aqtaulyqtar Kaspıı teńízíníń jaǵasyna aǵylyp kelíp, myńdaǵan aqqudy tamashalap, qorektendíríp júr. Tūrǵyndardyń aıtuynsha, mūndaı kóp aqqu qystauǵa sońǵy jyldary kelmegen. Jergílíktí tūrǵyndardyń bírí būl erekshe kórínístí beınejazbaǵa túsírgen.
"Aqtau qalasy, Kaspıı teńízí. Qarańyzdarshy, qandaı keremet kórínís! Aqqular bízge kópten berí qystauǵa kelmep edí, al bıyl olar qala tūrǵyndary men qonaqtaryn erekshe quantyp jatyr. Kaspıı jaǵalauynan tórtínshí shaǵyn audannan Prımorskııge deıín suda shamamen myńǵa juyq appaq aqqudy kóruge bolady. Būryn qūstar Qarakól kólínde qystaıtyn, al bıyl Kaspıı teńízínde qaludy jón kóríptí", – deıdí beıne avtory.
Aqtaulyqtardyń aıtuynsha, aqqular ashyqqan, típtí adamdardan ózderí jem sūraıdy.
"Jaǵalauda halyq óte kóp, adamdar tolassyz kelíp jatyr. Kún saıyn jaǵaǵa shyǵyp, jem kútetín qūstardyń sany artyp keledí. Keıbír aqqular ábden juasyp, jemdí qoldan alady. Keshe jaǵalauda 15–20 shaqtysy ǵana júrse, qazír óte kóp. Búkíl jaǵalau aqquǵa toly. Būl kórínís úlkenderdí de, balalardy da tańǵaldyryp, Aqtaudyń qysyn naǵyz "aqqular ertegísíne" aınaldyrdy", – deıdí tūrǵyn.
Tūrǵyndar aqqulardy kóruge keletín adamdardan kóbírek jem ákeludí jáne olardy nanmen qorektendírmeudí sūraıdy.