Aqmola oblysynda balalaryna alıment tóleýden uzaq ýaqyt jaltarǵan boryshkerdiń qaryzy 2,2 mln teńgeden asyp ketken, dep habarlaıdy Aqshamnews.kz tilshisi.
Prokýratýra málimetinshe, 2025 jyly Bulandy aýdanynda kámeletke tolmaǵan balalaryn asyraýǵa qarajat tóleýden jaltarý faktisi boıynsha QR QK-niń 139-baby negizinde sotqa deıingi tergeý bastalǵan.
Aýdandyq prokýratýra boryshkerdiń alıment boıynsha mindettemelerin oryndaýǵa qatysty tıisti sharalar qoldanbaı, uzaq ýaqyt áreketsiz bolǵanyn anyqtaǵan. Sonyń saldarynan bereshek kólemi 2,2 mln teńgeden asqan.
"Sot úkimimen boryshkerge 1 jylǵa bas bostandyǵyn shekteý jazasy taǵaıyndaldy", – delingen qadaǵalaý organynyń habarlamasynda.
Prokýratýra ata-analardyń sot sheshimi boıynsha balalaryn kútip-baǵýǵa arnalǵan tólemderdi úsh aıdan astam oryndamaǵany úshin eki jylǵa deıin bas bostandyǵyn shekteý nemese bas bostandyǵynan aıyrý túrindegi qylmystyq jaýapkershilik qarastyrylǵanyn eske saldy.