Almatynyń Bílím basqarmasy 2025 jyldy qorytyndylady. Ótken jyl bílím beru nysandarynyń qūrylysy auqymy jaǵynan būryn-sońdy bolmaǵan kezeń retínde tírkeldí. 37 bílím beru mekemesí paıdalanuǵa berílíp, 39 775 oqushy orny paıda boldy.
Basty baǵyttardyń bírí «Keleshek mektepterí» ūlttyq jobasy ayasynda 34 200 orynǵa arnalǵan 20 jańa mektep salu edí. Sonymen qatar, jergílíktí byudjet esebínen taǵy ekí mektep paıdalanuǵa beríldí: 550 oryndyq «Zerdelí» mektebí jáne «Álem Sıtı» tūrǵyn úı keshenínde satyp alynǵan, 1 200 orynǵa arnalǵan bílím beru nysany.
Qoldanystaǵy mektepterdegí júktemení azaıtu úshín №191, №174, №35 jáne №99 mektepterdíń janynan jalpy syıymdylyǵy 1 195 oryn bolatyn tórt qosalqy nysan salyndy.
Mektepke deıíngí bílím beru salasy da qarqyndy damydy. 1 480 oryndyq jetí memlekettík balabaqsha, «Samǵau» jáne «Shabyt» qosymsha bílím beru ortalyqtary, sondaı-aq «Janūya» sport keshení ashyldy. Kásíptík bílím beru júıesíne 1 050 orynǵa arnalǵan jáne 100 oryndyq jataqhanasy bar Almaty telekommunıkatsıya jáne mashına jasau kolledjí qosyldy.
Sonymen qatar, qalada bílím beru ınfraqūrylymyna qajettílíkter kartasy ázírlendí. Qūjatqa sáıkes, 2030 jylǵa deıín 105 myń oqushy ornyna arnalǵan taǵy 70 mektep salu josparlanyp otyr. Būl bírtíndep bír auysymda oqytu júıesíne kóshuge múmkíndík beredí.
