Almatyda áleumettík osal sanattaǵy azamattardyń tūrǵyn úılerín gazdandyru jūmysy júıelí túrde jalǵasuda. 2025 jyly 49 tūrǵyn úı tabıǵı gazǵa qosylyp, tūrǵyndar qauípsíz árí zamanauı jylytu júıesín paıdalanuǵa múmkíndík aldy.
Joba Almaty qalasy ákímdígíníń qoldauymen, Halyk Bank jáne Halyk qaıyrymdylyq qorynyń qatysuymen júzege asyryluda. Gazǵa qosylu jūmystary kezeń-kezeńímen jáne «kílt tapsyru» qaǵıdaty boıynsha júrgízíledí. Áleumettík osal sanatqa jatatyn azamattar úshín barlyq qajettí jūmystar men jabdyqtar joba ayasynda tolyq qamtamasyz etíledí.
Sonymen qatar qalanyń audan ákímdíkterí merdíger ūıym — «Taraz Agro Prom Servıs» JShS-men bírlesíp, ekínshí kezektegí tízímdí qalyptastyruda. Tūrǵyndardan qūjattar qabyldanyp, jańadan túsken ótíníshter boıynsha qosymsha tekseru tízímí jasaluda.
Búgíngí tańda qala boıynsha tabıǵı gazǵa qosylǵan tūrǵyn úıler sany 504,7 myńnan asty. Tabıǵı gazǵa qoljetímdílíktí keńeıtu baǵytyndaǵy jūmystar jalǵasuda.
