Almatydaǵy Kardıologıya jáne íshkí aurular ǴZI Basqarma tóraǵasy Rústem Tóleutaev medbıkelerdíń eńbegí qashanda qūrmetke laıyq deıdí, – dep habarlaıdy aqshamnews.kz tílshísí.
Jyl saıyn 12 mamyrda Halyqaralyq meıírgerler kúní atap ótíledí. Būl – patsıentterge kútím jasaıtyn, densaulyq saqtau salasyndaǵy eń kóp qyzmetkerler sanatyn qūraıtyn mamandardyń eńbegín moıyndau kúní. Olardyń densaulyq saqtau júıesíndegí rólí jyl saıyn artyp keledí, qyzmet auqymy keńeyude. Meıírgerlerge júkteletín zamanauı míndetter olardyń kásíbín jan-jaqty etedí.
Meıírgerlerdíń medıtsınadaǵy rólí dárígerge kómek kórsetuden bastap, sapaly kútím, ońaltu jáne patsıentterdí oqytudy qamtamasyz etetín derbes maman deńgeıíne deıín damydy. Olar dıagnostıkada, sozylmaly aurulardy baqylauda, psıhologıyalyq qoldau kórsetude jáne dárígerlerdíń júktemesín azaıtuda mańyzdy ról atqarady. Olar dáríger men nauqas arasyndaǵy baılanystyrushy buyn, dárígerdíń eń basty kómekshílerí.
Meıírger jūmysy kásíbı bílím men daǵdylardy ǵana emes, sonymen qatar patsıentterge, olardyń máselelerí men qajettílíkteríne mūqıyat qaraudy, janashyrlyqty, sezímtaldyqty jáne ūqyptylyqty talap etedí.
Medıtsınany meıírgersíz elestetu qıyn. Dárígerdíń barlyq taǵaıyndaularyn oryndaı otyryp, olardyń komandalyq jūmysqa beıímdílígí, meıírímdílígí, ízgílígí jáne kómekke árdaıym daıyn boluy patsıenttíń sauyǵu úderísínde mańyzdy ról atqarady.
“Kardıologıya jáne íshkí aurular ǵylymı-zertteu ınstıtutynyń klınıkalyq jáne paraklınıkalyq bólímshelerínde, klınıkalyq farmakologıya bólímínde, epıdemıologıyalyq baqylau qyzmetínde 160 meıírger jūmys ísteıdí, olardyń 20-synda joǵary meıírgerlík bílímí bar.
Instıtut tek klınıkalyq jáne ǵylymı qyzmetpen ǵana emes, bílím beru qyzmetímen de aınalysady. Bízdíń bazada densaulyq saqtau salasynyń ǵylymı jáne tájírıbelík kadrlary dayarlanady. Mūnda dárígerler bílíktílígín arttyrady, qaıta dayarlaudan jáne dıplomnan keıíngí oqudan ótedí. Bíz tájírıbelík densaulyq saqtauda sūranysqa ıe rezıdentterdí oqytamyz”, - deıdí Rústem Tóleutaev.
Sondaı-aq Qazaqstannyń barlyq óńíríndegí meıírger ísí mamandaryna arnalǵan bílíktílíktí arttyru tsıklderíníń baǵdarlamalary ázírleníp, engízílgen. Joǵary bílímdí meıírgerler būl oqytu úderísteríne belsendí qatysady.
Basqarma tóraǵasy osynau merekede bírqatar meıírger áríptesín erekshe atap óttí.
Parıdam Jeksembaeva – Konsultatsıyalyq-dıagnostıkalyq ortalyqtyń meıírgerí, 40 jyldan astam uaqyt densaulyq saqtau júıesínde tabysty eńbek etíp keledí. Patsıentter onyń kásíbı sheberlígín, adamgershílígín jáne meıírímdílígín erekshe baǵalaıdy.
Nazıra Kúlshımanova – Ortalyqtandyrylǵan zararsyzdandyru bólímshesíníń meıírgerí. Būl bólímshede jūmys ísteu joǵary bílíktílíktí, ūqyptylyqty, jabdyqtarǵa mūqıyat qaraudy jáne zararsyzdandyrudyń barlyq kezeńínde qatań baqylaudy talap etedí. Būl jalpy patsıentterge kórsetíletín kómektíń sapasyna tíkeleı áser etedí.
Kardıologıya jáne ońaltu bólímshesíníń aǵa meıírgerí Lázzat Ábdíraıymovanyń eńbek ótílí 34 jyl – būl úlken tájírıbe men kásíbılíktíń kórsetkíshí.
Symbat Qaıypbaeva – funktsıonaldyq jáne ultradybystyq dıagnostıka bólímshesíníń aǵa meıírgerí, eńbek ótílí 24 jyl. Ol – bólím meńgerushísínen keıíngí negízgí tūlǵa. Symbat joǵary jauapkershílígímen jáne kásíbılígímen erekshelenedí.
Palatalyq meıírger – nauqastardy únemí baqylauda ūstaıtyn negízgí maman.
Kardıologıya bólímshesíníń palatalyq meıírgerí Gúlzahıra Baımusaeva patsıenttermen basqa mamandarǵa qaraǵanda kóbírek uaqyt ótkízíp, olardyń qajettílíkterín jaqsy túsínedí.
Rústem Tóleutaev barlyq meıírgerge patsıentterge kórsetken qamqorlyǵy úshín shynaıy alǵysyn bíldírdí.